Minister Jesus-Leito huntu ku Servisio pa Tráfiko i Transporte (UOVV) ta felisitá tur persona ku ta laborá den e sektor di Transporte Públiko ku nan dia, awe djadumingu 16 ougùstùs 2020. 

 

Djadumingu 16 di ougùstùs ta Dia di Transporte Públiko

 

Willemstad – Minister Jesus-Leito huntu ku Servisio pa Tráfiko i Transporte (UOVV) ta felisitá tur persona ku ta laborá den e sektor di Transporte Públiko ku nan dia, awe djadumingu 16 ougùstùs 2020. 

 

Diariamente suidadanonan di pais Kòrsou ta hasi uso di e medio di transporte públiko  pa yega na nan destino, manera entre otro skol, trabou i kas. Tin mas ku 400 shofùr di bus chikitu, 200 taksista, i shofùrnan di konvoinan di ABC Busbedrijf ku ta traha tur dia pa move nos hendenan di un punta pa otro. Den aña 2016, Gobièrnu di Kòrsou a dekretá e di tres djadumingu di luna di ougùstùs komo un dia dediká na Transporte Públiko. Riba e dia aki ta para ketu riba e importansha di transporte públiko den nos komunidat. 

 

Minister Jesus-Leito su vishon ta pa Kòrsou tin un transporte públiko, efisiente, pagabel i konfiabel. E meta ta pa e sektor di transporte públiko drenta un era nobo kaminda tin un koperashon mutuo entre bùsnan chikitu i ABC Busbedrijf. 

 

Aña 2020 tabata un aña difísil pa e sektor aki mirando e impakto di e pandemia di COVID-19 riba nos pais. Apesar di esaki, nos lo rekuperá i surpasá tur reto. Esaki ta konta tambe pa e sektor di transporte públiko.