Minister Javier Silvania NAf 7,6 mion na restitushon den luna di novèmber

Minister Javier Silvania

NAf 7,6 mion na restitushon den luna di novèmber

WILLEMSTAD – Te na e momento akí den luna di novèmber, Servisio di Impuesto a paga alrededor di NAf 7,6 mion na restitushon. Banda di e pago di NAf 6,4 mion riba 2 i 3 di novèmber a hasi pago di 1570 aanslag riba 11 i 14 di novèmber, ku a forma un montante di NAf 1,2 mion.
Promé ku hasi e pago, ta deskontá e debenan ku e kontribuyente tin habrí na Servisio di Impuesto, manera impuesto riba shushi, OZB i/òf otro medionan, for di e restitushon. Den luna di novèmber te ainda a deskontá kasi NAf 3 mion ku e debenan habrí, di kua alrededor di NAf 1,3 mion ta debenan di OZB. E kantidat di aanslag ku ainda nò por wòrdu pagá pasó e kuenta di banko nò ta konosí serka Servisio di Impuesto a subi bira 1.239. Esaki ta nifiká ku ainda NAf 1,7 mion na restitushon ta pendiente pa wòrdu pagá. Ta responsabilidat di e kontribuyente pa fasilitá Servisio di Impuesto ku e informashon akí mas pronto posibel.
Pa enkargo di minister di Finansa, resientemente a lansa un página di Facebook nobo bou di e nòmber Servisio Di Impuesto Kòrsou. Riba e página akí ta duna informashon balioso tokante diferente tema ku ta konserní Servisio di Impuesto.
Share this page to Telegram

This site uses Akismet to reduce spam. Learn how your comment data is processed.

%d bloggers like this: