DIA HABRÍ NA EDIFISIO “BOLO DI BATREI”

MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO

 

DIA HABRÍ NA EDIFISIO “BOLO DI BATREI”

PUBLIKÁ RIBA 20 NOVÈMBER 2022

WILLEMSTAD – Archivo Nashonal Kòrsou ta duna pueblo di Kòrsou e oportunidat pa sera konosí ku nos monumento “Bolo di Batrei”. Djadumingu, 27 di novèmber 2022, di 10’or di mainta te 4’or di atardi na Scharlooweg 77-79. For di 1986 nos Archivo Nashonal ta ubiká den e monumentu akí, ku mayoria di nos hendenan konosé solamente parti pafó di dje.

Pa e motibu akí personal di Archivo Nashonal riba e dia aki lo para kla pa risibí pueblo di Kòrsou kompletu i duna splikashon di tur e trabounan balioso ku ta keda hasí na Archivo Nashonal. Banda di esaki lo tin un programa di charla i presentashon masha interesante. Oradornan invitá manera sra. Maria Liberia-Peters, sr. Ron Gomes Casseres,  sr. Lionel Janga, sra. Rose Mary Allen, sr. Nethiën Eusenia i sra. Radhaymis Mendoza Guzman i sr. Percy Pinedo lo tei riba e dia akí pa duna presentashon. Tambe lo tin benta di buki, sòpi, kuminda i bibida, popcorn i frio frio.

Pues Pueblo di Kòrsou en general ta invitá  na e dia habrí aki. Pa mas informashon tokante e dia habrí por bishitá e wèpsait di Archivo Nashonal www.nationaalarchief.cw.

Share this page to Telegram

This site uses Akismet to reduce spam. Learn how your comment data is processed.

%d bloggers like this: