Gran final 2022

Un saludo deportivo di parti direktiva di CSB,

Pa medio di esaki nos ta pidi nos diskulpa ku nos no por a presentá e Gran Final ku tur hende tabata spera.

Nos a hasi nos esfuerso pa e evitá loke a pasa, pero e esfuerso no a resultá.

Direktiva a aserka tambe e ekipo pa un diálogo, pero a keda akordá ku no ta toka e tópiko aki mas. Nos ta konsiderá e kaso aki sera.

Direktiva di CSB lo atendé ku e miembronan di CSB, si nan lo ke kualke detaye adishonal.

Nos ta bai traha riba e puntonan prinsipal ku a pone ku a yega asina leu.   Un di e puntonan ta traha riba e parke di MUIZENBERG BALLPARK, ku ta un parke di federashon di sòfbòl. Despues ku CSB no a usa e parke aki mas, diferente instansia a okupá di dje.  E direktiva di CSB ku a sinta na aña 2016 a trata di rekuperá e parke, pero no a logra den su intento. Si CSB tin su mes parke na su disposishon, e lo por ta dispone di un “ ground crew “ ku lo por aktua ora nos kai den temporada di áwaseru.  Den pasado komo miembro di CSB, nos a yega di bari awa ( 3x ) for di e tereno ku tabata kompletamente bou di awa den ora nan di mainta ku ta pone ku atardi ora e seka por a marka pa weganan por a sigui. Un kuerpo enkargá ku e mantenshon lo ta hopi útil pa kualke parke.

Riba e punto aki nos a logra haña koperashon FDDK , ku aprobashon di Sam Bunting, ku a  yuda nos pone e tereno den kondishon riba djabièrnè.

Tin mas punto, pero esaki ta un di esnan prinsipal

Danki na tur ku a koperá na e kampionato, nos ta masha agradesido, un biaha mas,  masha danki.

Edward Martis

Presidente