Rushemy Botter ta forma parti di BoF 500 – The Business of Fashion

Rushemy Botter ta forma parti di BoF 500 – The Business of Fashion

 

E diseñado di moda internashonal, oriundo di nos dushi Kòrsou Rushemy Botter i su patner Lisi Herrebrugh resientemente a keda selekta y inkorporá riba e prestigioso lista di BoF 500 – The Business of Fashion.

Esaki ta debí di nan liderasko, kreatividat, inovashon i impakto den mundu

di moda.

 

BoF 500 ta un kompania moderno i é outoridat rekonose den mundu komersial di moda i tin un asosiashon koloborativo ku e organisashon “Financial Times” kual ta lider mundial pa loke ta trata notisianan finansiero.

 

Na aña 2017 Rushemy a gradua na Royal Academy of Fine Arts na Antwerpen, Belgika. Despues di su graduashon, Rushemy huntu ku su partner Lisi Herrebrugh a lansa e liña di moda pa hende homber “BOTTER”.

 

Rushemy i Lisi a partisipá i gana diferente kompetensia internashonal renombra di moda manera entre otro “Festival d’Hyrères Grand Prize”, “Chanel Métiers d’Art division”, “Andam Fashion Award Gran Prize”.

 

Na aña 2019 Rushemy Botter i Lisi Herrebrugh a keda apuntá komo Direktor Kreativo (creative Director’s) pa e prestigioso kas di moda franses “Nina Ricci”. Rushemy ta e promé i úniko diseñador di kolo skur ku a yega di obtene e titulo aki.

Despues di 3 aña Rushemy i Lisi a termina nan funshon komo direktor kreativo na e kas di moda franses “Nina Ricci”. Motibu di e desishon aki ta netamente pa por enfoká i invertí mas tantu tempu i energia den nan propio liña di moda.

 

Januari 2020 e liña di moda pa hende homber “BOTTER” a hasi su debut  ofisial na Paris Fashion Week ku hopi eksito. Den dos aña di tempu Rushemy i Lisi a subi den top di e mundu di moda.

 

Pa e temporada di ss18, nan a drenta un koloborashon ku Nike for shoe “The BOTTER x Nike”

 

Inspirashon di diseñonan di e marka “BOTTER” ta bini for di e mundu di bou di laman i ta konosí pa su kolonan bibu i tambe su mensahe. Rushemy i Lisi tin medio ambiente na pechu i pa nan ultimo kolekshón a hasi uso di 35 porshento di material biológiko. Tambe materialnan resiklá manera entro otro plastik for di laman a wordu husa. Rushemy i Lisi aparte di ta komparti nan amor pa otro, tambe ta komparti un amor pa e bida di bou di laman. Nan tin un deseo ferviente pa instalá un instansia na Kòrsou pa kwido di koral.

 

Por kumpra e marka “BOTTER” na diferente pais na mundu manera entre otro Smets Brussel, Belgium, The Icon Kiev, Ukraine, Henrik Visbskov Denmark, Copenhagen, Dover street Market, Ssense, KM20, Boon the shop, Printemps, Nordstrom and Galeries Lafayette, H.LORENZO Los Angels.

Share this page to Telegram

This site uses Akismet to reduce spam. Learn how your comment data is processed.

%d bloggers like this: