Reunion di DCNA su direktiva: trahando huntu pa salbaguardiá naturalesa den Karibe Hulandes
Reunion di DCNA su direktiva: trahando huntu pa salbaguardiá naturalesa den Karibe Hulandes
Kralendijk, Boneiru 24 -11-2022 – Siman pasá, direktiva di Dutch Caribbean Nature Alliance (DCNA) a tene su reunion di direktiva ku ta tuma lugá dos biaha pa aña ku e biaha akí a tuma lugá na Boneiru. E reunion di direktiva di DCNA a ofresé un plataforma importante pa diskutí i traha strategia efektivo pa protehá organisashonnan di maneho di área protehá (parkenan) den Karibe Hulandes i interkambiá konosementu i eksperensia. Ku un bos uni DCNA ta enfoká pa salbaguardiá naturalesa rònt e region.
DCNA ta un ret di kontakto di konservashon non-profit ku ta duna sosten na tur e parkenan di tur seis isla di Karibe Hulandes. E reunion di direktiva di DCNA a krea un oportunidat importante pa kada un di e parkenan kolaborá, kompartí rekursonan i interkambiá informashon i ideanan. Trahando huntu, kada un di e islanan por siña di otro, maksimalisá nan éksito i siña for di e eksperensianan ku mas reto.
E elementonan importante ku a trata durante e reunion di direktiva tabata e strategia di DCNA 2030, repartishon di e DCNA Conservation Trust Fund i e strategia di rekoudá fondo. Den e añanan binidero, DCNA lo oumentá su esfuersonan di rekoudá fondo pa sigurá rekurso duradero pa respaldá konservashon di naturalesa. Durante e reunion di direktiva, DCNA a presentá su di promé konsepto di fail di proyekto, ku ta basá riba deseonan di proyekto di e parkenan, pa yuda buska fondo pa sostené proyektonan spesífiko.
Ademas, di parti di e sekretariado di DCNA i e gruponan di trabou di DCNA a duna informashon aktualisá i pa mehorá investigashon i pa monitoreá e esfuerso i partisipashon di hubentut. Tambe tabatin presentashonnan dor di e donantenan mayor; Blue Marine Foundation, World Wide Fund for Nature (WWF–NL) i e ministerio di Agrikultura, Naturalesa i Kalidat di Kuminda (LNV). Banda di e managernan di e organisashon di konservashon i vários eksperto di e direktiva di DCNA, e organisashonnan akí a djòin e reunion komo opservadó, huntu ku BirdLife Netherlands.
Riba e último dia di e reunion di direktiva e partisipantenan a bai riba un rekorido ku Mangrove Maniacs. Nan a siña tokante Mangrove Maniacs su trabou di restourashon impreshonante di palu di mangel den Bahia di Lac i nan a yuda hancha un kanal. A siña lèsnan balioso i ta hiba esakinan bèk e otro islanan di Karibe Hulandes.
E siguiente reunion di direktiva ta planeá pa 12-16 di aprel na Statia.
Keda informá
Pa keda na altura di DCNA su aktividatnan, keda den kontakto ku DCNA su páginanan di medionan sosial Facebook (Dutch Caribbean Nature Alliance), Instagram (DCNAnature). Pa ta na altura di e último informashon tokante investigashon i monitoreo na Karibe Hulandes sòru pa bo ta registrá pa e boletin mensual i digital Newsletter BioNews (https://dcnanature.org/news/)
