MINISTER CHARLES COOPER TA RISIBÍ STUDIANTENAN DI SKAI VSBO
MINISTERIO KONSERNÍ TRÁFIKO, TRANSPORTE I PLANIFIKASHON URBANO
MINISTER CHARLES COOPER TA RISIBÍ STUDIANTENAN DI SKAI VSBO
PUBLIKÁ RIBA 07 DESÈMBER 2022
Willemstad – Minister Charles Cooper a risibí studiantenan di studiantenan di SKAI VSBO riba djamars 6 di desèmber na su depacho riba Seru di Arrarat.
E studiantenan mester traha un ‘werkstuk’ tokante diferente punto, esta:
- kiko ta diferensia entre di responsabilidatnan di un minister i un parlamentario,
- na ken minister ta responsabilisá,
- na ken Parlamento ta responsabilisá,
- ken ta Presidente di Parlamento i kon ta skoh’é,
- kiko ta un frakshon den Parlamento,
- un bista breve di e historia for di ántes ‘regeringsraad’ te ku awor ku tin un Konseho di Minister,
- dikon un minister mester tin su propio kabinet, i
- kiko un ‘kabinetschef’ ta hasi.
Tabata un entrevista hopi ameno i Minister Cooper ta deseá e studiantenan aki éksito ku nan studio. Ta nan ta nos futuro i pa e motibu ei, Minister Cooper ta saka espasio pa por interkambiá ku nan.
