Resientemente Minister Hato a reuní ku algun di e defensornan di pueblo (ombudsman) di diferente paisnan den reino. Ta trata aki di sr. Concincion di Kòrsou, sra. Mossel di Sint Maarten i sr. van Zutphen di BES/Hulanda.

A toka temanan mane entre otro kombatimentu di pobresa, desafíonan ku defensornan di pueblo ta konforntá den práktika, sanashon di debe di siudadanonan i vários otro inisiativa i planes di Ministerio di Hustisia. E kòmbersashon tabata unu ameno kaminda tur partido a ekspresá ínteres pa sigui kolaborá di forma mas intensivo.