Siman pasá tabatin diferente seshon den e kadena hudisial ku ta trata ku migrante di e konsepto di “Hostmanship”. Hostmanship ta e arte di laga un persona sinti’e bon biní.

E konsepto aki ta wòrdu apliká den diferente area internashonalmente. For di 2019, den e trayektonan finansiá pa Hulanda (Optimalisering Vreemdelingenketen) a kuminsá kapasitá algun persona den e organisashonnan (KPC, SDKK, Kustwacht, TO) pa nan por duna treining den esaki na nan koleganan.

Na komienso di mart 2020 un grupo a wòrdu sertifiká, pero nèt despues covid a hasi su entrada. Na komienso di e aña aki a sigui ku algun seshon pa e diferente direktor i/òf manehadó den e kadena hudisial pa ku migrante pa asina por a sigui ku e trayektonan.

Den e siman ku a transkurí a duna un seshon pa e trainers nan por sigui ku nan trabou teniendo kuenta ku e retonan ku kada organisashon tin.