Den transkurso di siman e tim di ‘’Sendé, ta konsiente’’ a pasa na ofisina di Ministerio di Hustisia pa sera konosí ku Minister Hato i duna un presentashon di nan logronan i metanan pa futuro. ‘’Sendé, gosa sigur’’ a wòrdu lansá den 2019 i tabatin komo meta pa konsientisá hóbennan tokante droga, alkohòl i seksualidat. Den 2020 nan a bishita mas ku 20 skol pa duna informashon.

Di awor en pa delante e proyekto tey karga e nòmber di ‘’Sendé, ta konsiente’’ i lo tin komo enfoke èkstra e tema di agresividat. Minister Hato ta sumamente kontentu ku inisiativanan manera esaki ku lo sirbi pa konsientisá hóbennan riba temanan sumamemente importante mane ariba menshoná. Ministerio di Hustisia lo karga i yuda ku e proyekto aki kaminda ta nesesario pa sigui eduká i konsientisá nos hóbennan.