MINISTER COOPER TA ENTREGÁ VIDANOVA SU PÈRMIT DI KONSTRUKSHON PA 150 BIBIENDA!

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

MINISTER COOPER TA ENTREGÁ VIDANOVA SU PÈRMIT DI KONSTRUKSHON PA 150 BIBIENDA!

PUBLIKÁ RIBA 12 DESÈMBER 2022

Willemstad – Minister Charles Cooper huntu ku Servisio pa Planifikashon Urbano (ROP) a hasi entrega di un pèrmit di konstrukshon na VidaNova pa un proyekto di bibienda di impakto grandi pa nos pais.

  

Fondo di penshun Vidanova ta risibí su pèrmit pa konstrukshon di bibienda den un plan di parselashon. E plan ta konsistí di 2 fase. E promé fase lo ta pa 150 bibienda. Esaki huntu ku e infrastruktura ta representá un invershon total durante e promé fase di alrededor di 95 mion florin.

 

E konstrukshonnan aki ta kontribuí outomátikamente na un impulso ekonómiko grandi pa Kòrsou i tambe ta aportá na e nesesidat pa mas bibienda. E ta duna un impulso na ekonomia tambe dor di kreashon di kupo di trabou na momento di e konstrukshon i durante di e fase di mantenshon. Minister Charles Cooper ta hopi satisfecho ku e desaroyonan aki, ya ku e ta ofresé nos pais un “boost” ekonómiko.

 

Pa informashon general tokante e proyekto di Vidanova por subi e website di Hòfi Vidanova www.hofividanova.com, via facebook di e proyekto òf via e-mail hofividanova@vidanova.net.

Share this page to Telegram

This site uses Akismet to reduce spam. Learn how your comment data is processed.

%d bloggers like this: