NO TIN NINGUN PROBLEMA ENTRE JACINTA CONSTANCIA I MFK

 

NO TIN NINGUN PROBLEMA ENTRE JACINTA CONSTANCIA I MFK

 

Resientemente a sali den medio di komunikashon i riba retnan sosial ku tin problema entre Jacinta Constancia i MFK. 

 

Ta bèrdat ku tabatin diferente kombersashonnan entre MFK i sra. Jacinta Constancia riba diferente senario tantu promé ku e sentensia i tambe despues di su sentensia den korte.

 

Pero semper e kombersashonnan aki a tuma lugá den bon esfera, ku e interes di tantu MFK  i tambe interes di sra. Jacinta Constancia na promé lugá. Esaki ta masha normal den un partido polítiko ku mester antisipá riba desaroyonan interno i eksterno.

 

Ta basá riba esaki den mutuo akuerdo entre MFK i sra. Jacinta Constancia a palabra ku e lo no aparesé riba lista di MFK pa e próksimo elekshon. Esaki ta pa sra. Constancia por dediká tempu, den tur trankilidat pa atendé su kaso den korte di kasashon.

 

Jacinta Constancia ta un miembro di MFK di promé ora i nos ta apresi’é komo ser humano i tambe pa e aporte ku su persona a duna i ta sigui duna na MFK. Na su debido tempu sra. Jacinta Constancia lo emití un konseho di voto pa un di e kandidatonan ku lo ta riba lista di MFK pa elekshon di mart 2021.

 

MFK i sra. Jacinta Constancia ta lamentá e konsternashon ku hinter e situashon aki a krea den komunidat i serka simpatisante nan di MFK.

 

Nos Kurason ta Sigui Bati pa Kòrsou.

 

Sithree “Cey” van Heydoorn Gilmar ‘Pik” Pisas Jacinta Constancia

Presidente di MFK Lider Politiko di MFK Miembro di Parlamento

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: