Minister Shalten Hato ARTISTANAN INTERNASHONAL DEN ”HIGH SEASON”

Awe mainta Minister Hato a firma e dekreto ministerial huntu ku Minister di Desaroyo Sosial, Labor i Bienestar, sra. Larmonie-Cecilia, pa hasi posibel pa artistanan internashonal por presentá na Kòrsou entre promé di dezèmber 2022 i djarason di shinishi 2023.

Ta asina ku tur aña konforme lei mester bini un dekreto ministerial pa artistanan internashonal por presentá riba nos isla den e asina yamá “high season”. Mester duna di konosé ku na tur evento lokal ku artista internashonal mester tin artista i/òf banda lokal pa representá nos isla i tambe salbaguardiá arte músikal lokal.

Ta importante pa añadí ku mester entregá petishon pa tur artista internashonal na tempu i ta rekomendabel pa promotornan regla tur e pèrmitnan nesesario promé ku start ku promoshon di kualke evento.