Reunion Públiko di Parlamento tokante e Proyekto di Lei konteniendo normanan maksimo di entrada pa entidatnan afiliá na gobièrnu di Kòrsou (Landsverordening normering topinkomens Curaçao).

Djaluna 12 di di desèmber 2022, Parlamento di Kòrsou a bin huntu den un reunion Públiko pa debatí ku Promé Minister sr. Gilmar Pisas i Minister di Finansa sr. Javier Silvania tokante e Proyekto di Lei konteniendo normanan maksimo di entrada pa entidatnan afiliá na gobièrnu di Kòrsou.

Parlamentarionan a risibí 25 minüt pa hasi pregunta i hiba nan disertashon den e promé tanda. Presidente di Parlamento sra. Charetti America-Francisca a skòrs e reunion pa algun ora, riba petishon di Minister di Finansa sr. Silvania. Despues e preparashonnan sr. Silvania a kontestá e preguntanan ku a bini dilanti den e di dos tanda tambe.

Na final di e deliberashon tur miembro di Parlamento, ku eksepshon di sr. Calmes a entregá un amienda riba e Lei kual a keda aseptá ku 20 voto pro i 1 voto kontra.

Pa loke trata e proyekto di lei manera kambiá ku e amienda, tambe a keda aprobá ku 20 voto pro i 1 voto kontra.

Por último e miembronan Osepa, Mercelina, Gerard, Calmes, Thodé, Seferina, Braam, Carolina, Brownbill, America-Francisca, Yung, Nita, Djaoen-Genaro i Martines tabatin un moshon entregá kaminda ta urgí Gobièrnu pa intruí e entidatnan di Gobièrnu pa bini ku un “Corporate Social Plan” i den e kuadro aki sostené, yuda i aportá mas den desaroyo di músika, deporte i kultura. E moshon aki a keda aprobá pa Parlamento den su totalidat atraves di votonan general.