Notisia den matutino ku no ta kuadra ku realidat
KOMUNIKADO DI PRENSA 579/2022
15 desèmber 2022
Notisia den matutino ku no ta kuadra ku realidat
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Ku asombro nos di Kuerpo Polisial Kòrsou a tuma nota di un notisia ku a keda publiká riba
“front page” di un matutino awe 15 di desèmber 2022, kaminda ta indiká ku un vehíkulo ku
a keda konfiská den kaso di asesinato di e konosido “rapper” lo mester ta pertenesé na un
miembro di kuerpo polisial.
Nos di Kuerpo Polisial Kòrsou ta refutá e informashon inkorekto aki i ta lamentá
imensamente kon ta trese nòmber di nos kuerpo i/ò miembro(nan) di nos kuerpo den un
lus negativo sin ku a verifiká esaki ku nos.
Di nos banda nos ke informá komunidat ku e investigashon den e kaso konserní ta den “full
swing”. Te na e momento aki no tin ningun vehíkulo ku a wòrdu konfiská i ku por wòrdu di
“link” ku e kaso di asesinato ku a tuma lugá na F.D. Rooseveltweg dia 9 di desèmber 2022
kaminda e hòmber Ruchendell Bonifacio Windster a bin pèrdè su bida.
Polis ta sigui hasi un supliká na komunidat pa kualke persona ku por a mira òf tin
informashon di e kaso ariba menshoná pa duna e informashon aki na polis.
Por hasi uso di e numbernan di telefòn 917 òf e number anónimo 108.
