Introdukshon & Kontesta di Preguntanan – Minister Charles Cooper

Kontesta di Preguntanan di promé tanda di tratamentu di Presupuesto 2023

 

Introdukshon

Señora Presidente Bondia I un bondia tambe na miembronan di parlamento, personal di Griffier, konseheronan I tur sobra hende ku ta mira I skucha e reunion públiko aki.

 

Señora promé ku mi pasa pa kontesta e preguntanan hasi pa miembronan di parlamento den promé tanda, mi ta kere ku ta bon pa mi duna kuenta I rason na e Kolegio aki, esta responsabilisá mi mes pa ku e maneho I sènnan ku parlamento a bai di akuerdo kuné pa ku e presupuesto 2022.

 

Sra Presidente mi ministerio a konosé hopi retonan den aña 2022 e.o. e efektonan di Covid 19 i VVU kaminda hopi hende a tuma retiro komo trahadó for di Gobièrnu .

Aserka  tambe tabatin situashonnan di urgensia, kaminda hopi proyektonan ekonómiko ku mester a keda kla na tempu pa start up nos ekonomia I asina lanta nos ekonomia bek pone riba pia, no a logra keda kla na tempu.

Tambe sra Presidente nos infrastruktura tabatin un retraso di mantenshon di mas ku 5 aña. E konsekuensia di esaki ta ku infrastruktura su mantenshon i renobashon a bai hopi atras. Tambe mi mester trese dilanti ku tin un skarsedat króniko pa bibienda  na Kòrsou spesialmente kasnan sosial.

Sra Presidente, Gabinete Pisas a firma un akuerdo di Gobernashon titulá;

Un Gobernashon di Pueblo, pa Pueblo I huntu ku Pueblo di Kòrsou. Ta Pueblo su bùrt.

For di e akuerdo di Gobernashon aki a sali un programa di Gobernashon titulá;

Op weg naar herstellen van een betere kwaliteit van leven voor het volk.

Sra Presidente e dos dokumentunan aki ta inspirá mi vishon I e direkshon komo minister di VVRP den Kainete Pisas II.

Mi konvikshon i motivashon ta pa ku tiki hasi hopi i aserka mi ta wòrdu inspirá pa mi filosofia di bida I sostené pa e akuerdo I programa di Gobernashon di Gabinete Pisas.

Sra Presidente tambe mi mester bisa públikamente ku mi ta masha kontentu ku e prestashon di tur trahadó di VVRP den 2022, dor ku ta ku nan  apoyo I sosten mi por ta para den e sala aki awe, pa mi por duna kuenta I rason na parlamento I Pueblo di Kòrsou di tur mi trabounan i logronan konkreto den 2022.

Sra Presidente mi ta sigur ku e motivashon haltu ku tin den mi ministerio den 2022 mi ta premirá logronan mas grandi pa pueblo di Kòrsou pa ku aña 2023.

Sra Presidente awor aki mi ta pasa pa bai mas den detaye riba e kuenta I rason ku mi debe Parlamento I mi pueblo di e aña presupuestario 2022.

E Ministerio di VVRP tin diferente sektor i arianan di trabou e,o,: Infrastruktura i Planifikashon Urbano i Trafiko i Transporte.

E organisashonnan ta: Obra Públiko, Urbanisashon I Planifikashon, Transporte Públiko, Domeinbeheer, Outoridat Meteorológiko, Outoridat Marítimo, Inspekshon I Kontrol di Tráfiko di Areo, Telekomunikashon, C post, BTP I Fundashon Kas Popular.

Mi bai trese dilanti pa kada area kiko ta e logrononan konkreto pa ku 2022 den e ministerio di VVRP.

 

 

 

  1. Trabounan I logronan pa ku e sektor di Infrastruktura i Planifikashon Urbano :

Obranan Públiko

  1. Pa loke ta infrastruktura, nos a kuminsá na ehekutá 5 proyekto grandi di mantenshon di kaminda, esta na Saturnusstraat, Don Martina Boulevard, parti di Weg naar Westpunt, Kaminda Statius van Eps, i Helmin Magno Wiels Boulevard.
  2. A sigui drecha buraku den kaya
  3. A aprobá MOP 2023-2029, ku ta un programa di mas aña pa drecha infrastruktura di kaya I roinan. Ehekushon lo mester start 2023
  4. Nos a logra haña aprobashon di 18.2 mion di euro di Union Europeo pa  e proyektonan di drechamentu di e waterzuiveringsinstallatiesnan di Klein Hofje I Tera Kora
  5. E proyekto di lusnan di kaya a kuminsá. E lusnan aki ta wòrdu remplasá pa lusnan di LED
  6. A kuminsá implementá e proyekto di un Sistema di life extension pa drecha kaya pa un término mas largu I asina duna mas balor na e invershon ku a wòrdu hasi
  7. A finalisá e proyekto di kayanan nobo di e programa Rif
  8. Tambe e proyekto magno di persleiding I gemaal di programa Rif pa Klein Hofje ta den su fase final
  1. Trabounan I logronan pa ku e sektor di Infrastruktura i Planifikashon Urbano:

Planifikashon Urbano

  1. E servisio di ROP a otorgá un total di 1112 pèrmit di konstrukshon ku konhuntamente ta un invershon ekonómiko total di 417 mion florin. Ku esaki nos ta stimulá nos ekonomia I asina a logra krea un efekto pa stimulá mas kuponan di trabou pa Kòrsou.
  2. Plan van Aanpak di Klein Kòrsou a keda kla (MINISTER AKI BO MESTER SPLIKA MAS DETAJÁ)
  3. Mi ministerio a partisipá na diferente grupo di trabou ku MEO, CTB i GMN i asina nos a logra sigui enkaminá e proseso pa sigui drecha área públiko di Marie Pampun i Zakitó
  4. Diferente dokumento a wòrdu trahá pa fasilitá e desaroyadó, entre otro manera e dokumento kon tin ku atendé ku verkavelingsplan -entre otro traha biniendanan di mas piso- , mihó splikashon di interpretashon di diferente kriterio pa otorgashon di pèrmit di konstrukshon.  Tambe kon tin ku atendé mihó ku pèrmit di propaganda i kon tin ku atendé ku pèrmit di terras.
  5. Mi a lanta un tim pa atendé ku prekario pa Karnaval 2023
  6. Pa ku EOP mi tin un akuerdo ku 5 invershonista pa bai kana un trayekto di herziening di e destinashonnan di áreanan pa nan proyektonan ku aktualmente ta den área di Open Land (MINISTER POR SPLIKA AKI MAS).
  7. Mi a laga traha un dokumento ku ta duna mihó splikashon di e reglanan di EOP den diferente di e destinashonnan. I esaki ta den fase di aprobashon.
  8. Tambe mi a forma un team pa bai traha riba e proseso pa wak kon den áreanan ku tin destinashon di Conserveringsgebied por duna espasio pa desaroyo.
  9. Mi a logra haña fondo di Hulanda pa otro aña traha riba e parti di formalisá e balornan di Patrimonio Mundial den artíkulo 4 di EOP.

 

Maneho di terenonan I edifisionan di gobièrnu

  1. E servisio di Domeinbeheer a finalisá mas ku 650 dossiers di otorgamentu di tereno, kaminda hende por konstruí nan kas. Dor di esaki nos a logra alkansá pa kobra mas ku 2.5 mion florin di entrada èkstra pa kaha di gobièrnu via di hur i erfpagt.
  2. Mi a hasi apertura di e parke di Mangrove na Rif i a asina krea mas espasio pa rekreashon i dibertishon sano den sentro di siudat.
  3. Na 2021 a aprobá e Programa grond en vastgoed (E6/E7) ku ta konsistí di 12 proyekto. Domeinbeheer a sigui ku ehekushon di e proyektonan ku tin komo meta yega na un maneho mas efektivo di terenonan i edifisionan di gobièrnu. Den 2022 di e 12 proyektonan aki, 6 ta kanando ku ta:
  • Proyekto 1: duurzame versterking domeinbeheer. Ta un proyekto dirigí riba fortifiká e organisashon Domeinbeheer di forma ku e por wòrdu ekipá pa duna mihó servisio na su klientenan pero alabes hisa produktividat pa e bira un organisashon mas rendabel pa pais.
  • Proyekto 2: inventarisatie vastgoed. Esaki ta un proyekto dirigí pa krea e atministrashon i organisashon pa manehá edifisionan di pais na un manera mas mihó. .
  • Proyekto Opzegging. Esaki ta un proyekto ku ta dirigí pa gobièrnu bai over na zeg op erfpachten na i opties nan ku a ser otorgá pero no a ser  desaroyo dor di esnan ku a haña tereno.
  • Proyekto Formalisashon. Proyekto pa yega na formalisashon aselerá di terenonan ku a ser okupá ilegalmente.
  • Proyekto Proyekto wederuitgifte ta un proyekto pa di forma proaktivo gobièrnu bai na update kontrakt nan ku a vense.
  • Proyekto Stimulering grote economische projecten. Proyekto dirigí riba stimulashon di ekonomia hasiendo uso di terenonan stratégiko di pais.
  • Proyekto Inhaalslag correcte facturatie. Proyekto dirigí riba opschoning di e debiteuren bestand pa asina faktura erfpachtnan i huurnan korektamente i alabes atendé ku retrasonan den fakturashon.

Sentro di siudat.

  1. Ami ku mi Ministerio a bai un biahe di trabou na Hulanda serka staatssecretaris Uslu. Esaki a resultá den un kompromiso ku por bai hasi uzo di fondonan di Nationaal Restauratiefonds pa e restorashon di Waterfortbogen. Esaki lo wòrdu formalisá pa medio di un kombenio.
  2. Tambe nos a risibí fondo pa traha riba un mihó kuadro pa inkorporá balornan di patrimonio mundial den e kuadro di ehekushon.
  3. A tene e promé reunion ku presidente di Gemeenschappelijk Hof pa yega na plan di rekonstrukshon i renobashon di stadhuis.
  4. Nos a otorgá pèrmit di konstrukshon pa e área kaminda West End tabata i ya trabounan preparatorio ta tumando lugá.
  5. Mi Ministerio a kana un trayekto di destaho pa parkeo den sentro di siudat i e kombenio aki ta kasi kla pa wòrdu firma.
  6. Nos a solushoná parti di e problema di awa den área di Brionplein i Mathey Werf
  7. Nos a selebrá 25 aña Willemstad komo patrimonio mundial

 

  1. Trabounan I logronan pa ku e sektor di Kasnan Sosial (

FKP):

Kasnan sosial

Mi a simplifiká e proseso pa hurdonan di kasnan di Gobièrnu kumpra e kasnan ku nan ta hur di Gobièrnu.

Den e kuadro aki mi ministerio huntu ku Fkp a kuminsá ku un programa konsistí di vários proyektonan  pa fasilitá I simplifiká e proseso di kompra di kasnan di Gobièrnu i asina lanta e interes serka hurdonan pa por kumpra nan kas ku nan tin hopi aña ta hur.

Den e akuerdo di Gobernashon di Gabinete Pisas 2022 pa 2025 tin para pa Gobièrnu promové i stimulá benta di kasnan di Gobièrnu.

P’esei mi a entamá un kampaña informativo den tur e barionan kaminda tin kasnan di Gobièrnu ubika, ku e propósito pa duna mas informashon riba e posibilidatnan pa hurdonan por kumpra e kasnan di Gobièrnu. Pa aña aki nos a duna informashon i atendé petishonnan pa ku benta di e kasnan di Gobièrnu riba e siguiente fechanan; dia 15 yuni’22 na Sentro Bario Sta Maria, dia 18 yuni’22na Sentro di Bario Boka Sami, dia 22 yuni’22 na Sentro di Bario Kust Batterij, dia23 yuni’22 na skol  na Mis Sta Famia, 25 yuni’22 na Tera Korra PLENCHI fkp, 29 YUNI’22 na Sentro di Bario Bonam. Na 2021 257 hurdo a pasa durante e bishitanan den bario tuma informashon riba kompra di e kasnan di Gobièrnu.

Na 2022 hurdonan a pasa durante di e bishitanan den bario tuma informashon riba kompra di kas di Gobièrnu. Na aña 2021 a bende 15 di e kasnan di Gobièrnu. Na aña 2022 a bende 13 kasnan di Gobièrnu i tin 34 petishon di kompra di kas den tratamentu na e momentu aki.

Tambe mi a kuminsá ku un kampaña informativo via medionan di komunikashon kaminda ta duna splikashon riba e posibilidatnan pa hurdonan kumpra e kasnan aki.

Mi a kuminsá e proseso pa bini un landsbesluit HAM nobo pa permití e kasnan di Gobièrnu ku no ta para den e dekretonan di benta, tambe por bini na remarke pa wòrdu bende. E Landsbesluit aki ya ta kanando su kaminda di konsehonan.

Mi a trese adaptashon den e lei ku ta atendé ku redukshon di fl.3500,- máksimo pa mankamentunan tékniko di konstrukshon di e kasnan, pa un suma nobo di máksimo di redukshon di fl.10.000,-

Mi a kambia e maneho pa ku terenonan ku ta destiná pa traha 1 kas pa kada kavel i habri e oportunidat ku awor sin problema FKP tei traha flètnan di 3 piso krea asina ku awor FKP i otronan por traha mas kasnan sosial den bario. Esaki tambe ta e kaso ku FKP tin pidi 204 bouwvergunning pa traha na Tera Kora, 156 bouwvergunning na Fortuna Ariba, 132 bouwvergunning na Bonam i 138 bouwvergunning na Sapate, pa un total di 526 kas sosial, kaminda un par di tempu atras no tabata por a traha e kantidatnan di kasnan aki riba e grandura di e terenonan disponibel.

Tambe mi a start e trayekto pa normalisashon di e relashon entre FKP I gobièrnu, esaki ta pa medio di bini ku un maneho pa kasnan sosial ku ta den tratamentu, pa un Ambtelijke werkgroep ku ma lanta.

Tambe mi a bai di akuerdo pa nombra un direktor finansiero pa FKP pa asina garantia ku e kuentanan anual ku tabatin retraso keda kla I audita. Ya na e Altura aki FFP su kuenta anual di 2020 ta kla audita, esaki ta nifiká ku den un aña a kaba 6 kuenta anual ku tabatin retraso i tambe esaki por nifiká ku pronto FFP por kuminsá duna hipotek atrobe na Pueblo di Kòrsou.

Mas aleu konforme e normanan di Bon Gobernashon separá e direktivanan I gerensianan entre FKP I FFP for di otro, konforme reglanan di banko sentral.

  1. Logronan i trabounan riba tereno di Toezicht en Handhaving

Riba un desishon di Konseho di Münster mi a lanta e Projectteam Toezicht en Handhaving VVRP. E projectteam Toezicht en Handhaving aki ta e promé fase pa separá e tareanan di toezicht en handhaving for di sektor di IRP i VV ku tin tareanan di uitvoering i ku no ta kompatibel ku otro.P’esei mi no por a laga e situashon aki dor di laga IRP i VV mes sigui hasi e trabounan di toezicht en handhaving aserka.

E fase 2 di Toezicht en handhaving ta pa lanta den VVRP su struktura di organisashon un órgano nobo di Toezicht en Handhaving. Esaki ta plania pa 2023.

E projectteam ofisialmente a kuminsá funshoná na luna di yuli di e aña aki I ta enkargá su mes ku trabounan di meldingnan ku drenta riba okupashon ilegal di tereno di Gobièrnu, ku kobamentu di  serunan i kue greis riba terenonan di Gobièrnu si e pèrmitnan nesesario, dùmpmentu di shushi riba terenonan di Gobièrnu, konstruí sin pèrmit di konstrukshon di ROP òf desviashonnan for di e bouwvergunning ortoga, ponementu di bòrchi propaganda riba sitionan públiko etc., inspekshona edifisionan den e ruta di Karnaval, inspekshona edifisionan den sentro di siudat, inspekshona tur otro konstrukshonnan ku tin riesgo di peliger pa basha abou  òf  basha den otro.

Den luna di yuli 2022 te ku awor e project team a atendé;

170 melding di kual 80 melding a wòrdu atendé i resolvé, tin 15 melding den tratamentu, tin 23 inspectieraport traha i tin 75 melding ainda pa trata.

E meldingnan ku mas ta bini dilanti ta; konstrukshon ilegal ku 119 melding, pleitu entre bisiña 12 melding, estorbo riba kayanan públiko 2 melding, okupashon ilegal 15 melding, edifisio ku peliger di basha abou 4 melding, bòrchi propaganda ilegal 4 melding,tira shushi riba via públiko 3 melding, molèster di áwaseru 10 melding, desviashon di bouwvergunning 5 melding.

 

  1. Trabounan I logronan pa ku e sektor di Tráfiko i Transporte:
  2. Seguridat di Tráfiko.
  3. Un teststraat na Keuringslokaal ta kla.Esaki ta pa optimalisá funshonamentu di Keuringslokaal i sigurá tráfiko sigur. E teststraat ta konsistí di Remmentestbank, Schokdempertestbank, Zijslipmeter, Schaarhefbrugi Koplamptester
  4. A kùr 75331 vehíkulo I a duna un kantidat di 627 ontheffing pa shofùrnan ouksiliar di bus
  5. Tambe a pone hopi atenshon na seguridat di tráfiko dor di kampañanan di informashon den medionan sosial;
  6. Digitalisashon ta sigui: ta preparando pa traha sita pa kùr outo on line;
  7. Maneho di glasnan skur ta kla I ta wòrdu implementá

 

  1. Transporte di persona.
  2. Kursus certificaat A en B (vergunningen voor taxi en autobus) a ser aktivo atrobe despues ku Fefijk a kai afó.
  3. Tambe a hasi refreshment course pa taksi pa asina e taksistanan keda al tanto di e kalidat di servisio ku nan mester duna.
  4. A traha riba e retrasonan pa atendé di petishonnan di transportadónan ku tabata kore sin pèrmit òf pèrmitnan kaduká.
  5. A limpia e lista di espera di doñonan di ruta.

 

  1. Kambio den transporte públiko
  2. Investigashon di e posibilidatnan pa implementá Emobility ta kla;
  3. Nieuw openbaar busvervoersysteem a wòrdu traha
  4. A hasi distinto kampañanan di informashon pa seguridat di tráfiko
  5. Digitalisashon interno a tuma lugá pa por monitorea e rutanan mas miho
  6. A inkorporá Transporte Eskolar, den koperashon ku Minister di OWCS, den ABC pa garantia ku mas ku 2000 mucha por yega nan skol
  7. A amplia koperashon di ABC su transporte ku mas di 100 vehíkulo (27 konvoi grandi i kasi 80 bus chikí i mediano)

 

 

  1. Trabounan I logronan pa ku e Outoridat di Meteorológiko:

Servisio Meteorológiko

  1. A institushonalisá, un plataforma, Climate Change Platform, -insistiendo di sektor públiko, sektor priva I NGO’nan,- pa studia e kambio di klima I pa asina Kòrsou tambe por bira “resilient” pa ku e kambionan aki.
  2. A kuminsá ku un proseso pa traha huntu ku Hulanda pa por duna servisio meteorológiko na Bonaire for di Kòrsou.

 

 

  1. Trabounan I logronan pa ku e Outoridat di Marítimo:

Outoridat Marítimo

  1. A Instalá un grupo di trabou ku ta bai analisá I bin ku proposishon pa optimalisá registrashon di barkunan;
  2. Ministerio di VVRP ku koperashon Hulanda ta den un fase di preparashon pa e audit di International Maritime Organization (IMO) ku lo tuma lugá den mart 2023.
  3. Mi Ministerio a inisiá e proseso di modernisá I kambio di leinan marítimo pa ku e IMO-audit;
  4. A start e proseso pa aktivá e vuurtoren na Bullenbaai;

 

  1. Trabounan I logronan pa ku e Outoridat di Kontrol di Tráfiko di Areo:

Outoridat di Aviashon Sivil

  1. Pa lokual ta trata Passenger Safety Oversight Charge ya e lei a pasa Staten I ta trahando riba e tarifa I e sistema pa kobra e plakanan aki.
  2. Tambe ta trahando riba e otro leinan ku ta Luchtvaartlandsverordening, e landsbesluit houdende algemene maatregelen ter uitvoering van Luchtvaartlandsverordening I e Ministeriële regelingen met algemene werking, kaminda ku pone e eksigenshanan tékniko.
  3. Mi a haña aprobashon di Raad van Ministers pa por buska mas personal pa por kumpli ku e eksigensianan di ICAO, asina nos ta yega mas serka di cat 1.

 

 

  1. Trabounan I logronan pa ku e sektor di Telekomunikashon:

Logronan den Telekomunikashon

  1. A otorgá dos pèrmit pa provider nobo riba tereno di telecommunicashon pa tin kompetensia mas sano I mas hustu i asina komunidat por gosa di kalidat di kambio den Internet ku esaki lo trese kuné
  2. Porfin a kuminsá ku e proseso pa eksponé Kòrsou komo HUB Digital via di DataPlanet

 

Logronan den Cibernetika

  1. Tambe a kuminsá porfin ku e proseso pa struktura Cyber Security I cyber management, pa bin ku un strategia I maneho cibernetiko I apuntá un outoridat cibernetico

 

 

  1. Trabou i logronan pa ku Cpost;

A buta Communitymailboxes na Harmonie, Airport I  Suffisant

 

Sra Presidente mi ker trese mi vishon en grandes rasgos pa lokual ta trata kiko na mi opinion e Ministerio di Tráfiko, Transporte i Planifikashon Urbano mester logra den 2023, i ku lo mester ta e direkshon pa ku e aña presupuestario 2023:

 

  1. Sektor di Infrastruktura i Planifikashon Urbano :

Obranan Públiko    

  1. Kuminsá ku ehekushon di e parti di 2023 di e Meerjarig Onderhouds Programma, instalá e Programmaburo den Openbare Werken pa esaki i laga e programmaburo wòrdu sostené dor di un PMO
  2. Nos lo sigui ku nos trabounan regulario di drecha buraku den kaya.
  3. Nos lo kuminsá ku drechamentu I optimalisashon di e waterzuiveringsinstallatiesnan di Klein Hofje I Terra Kora
  4. Nos lo sigui revitalisá nos sentro di siudat dor di entre otro drecha Kaya Godett dor di krea mas parkeo einan te na Penstraat dor di buta schuinparkeren. Na Otrabanda na área di Fuik nos lo bai krea un stadsplein ku bista riba Haf
  5. Nos lo kumpra e Sistema di komunikashon ku nos lusnan di tráfiko ku nos lo hasi uso di dje via di data

 

 

Sektor di Infrastruktura i Planifikashon Urbano:

Planifikashon Urbano

– Ami lo presentá un nota di maneho pa ku Volkshuisvesting

– Ami lo bini ku solushonnan duradero pa ku e problemátiko di tráfiko den sierto área

– Ami lo bai laga hasi inventarisashon di áreanan ku den EOP tin e destinashon di Parke I via di un struktura di maneho lo bai na fortifiká esakinan pa finnan rekreativo, teniendo kuenta tambe ku un sierto porsentahe lo mester wòrdu kambia di destinashon konforme e programa di gobernashon,

– Ami lo bai na implementá e Nota “Invulling en vastlegging toetsingsnormen en kriterio EOP” i duna mas kontenido na e otro artíkulonan di EOP, kaminda nos lo start ku artíkulo 4 di EOP ku te referí na nos sentro di siudat

 

 

 

Maneho di terenonan I edifisionan di gobièrnu

  1. Nos lo tin e promé fase di di e edifisio di Girobank renobá komo futuro alokashon pa Domeinbeheer
  2. Nos lo kuminsá ku e proseso pa destahe públiko I promé piedra di VisitorCentre na Mangrovepark
  3. Nos lo aselerá e prosesonan di legalisashon di terenonan I omzetting di hur den erfpagt. Esaki tambe lo nifiká entrada pa kaha di Gobièrnu I baha e retraso atministrativo
  4. Domeinbeheer lo bai di forma mobil den barionan pa duna mas informashon over di produktonan I servisionan
  5. Lo introdusí voorschot nota: ta bai aselerá petishonnan kaminda e pueblo lo paga un downpayment pa e proseshon di e erfpagt i/o hur pa aktanan notarial por pasa mas lihé. Esaki lo garantia ku den Tempu petishonnan ta wòrdu atendé. Lo bin si ku un prescreening kua ta e petishonnan ku lo bin na remarke pa esaki. Lo bin un plan di kampaña grandi pa sostené esaki.
  6. E proyektonan ku den 2022 nos no a logra kuminsá kuné di e Programma grond en vastgoed (E6/E7) nos lo bai ehekutá nan den 2023 ku ta:
  7. Proyekto Proyekto dirigí pa maneho di huisvesting di gobièrnu. Regie di esaki ta bpd.
  8. Proyekto Proyekto beleid en inovatie. Esaki ta un proyekto dirigí pa aktualisá i inová tantu manehonan i leinan ku ta regarda tereno.
  9. Proyekto Wachtlijstmanagement. Pa introdusí forma nan nobo pa atendé ku e lista di espera.
  10. Proyekto Proyekto dirigié pa lanta i richt in e inspectie team di vvrp pa atendé di forma represivo kontra okupashon ilegal di tereno.
  11. Proyekto Woningbouw programa pa desaroyá masalmente kavel pa woningbouw.

 

Sentro di siudat.

– Lo sigui duna kontenido na  e funshon di por biba den Sentro di siudat I otro funshonnan ku ta trese bida bek den nos Sentro di siudat;

– Oumentá e posibilidatnan di aksesibilidat di sentro di siudat (tambe parkeo), inklusivo pa persona ku desabilidat físiko

– Drecha e kalidat di e diseño di espasio públiko;

– Programa di konsientisashon di e balor di nos sentro di siudat ku ta un patrimonio mundial.

 

  1. Trabounan I logronan pa ku e sektor di Kasnan Sosial ( FKP):

B Kasnan sosial

  1. Bende e kasnan di Gobièrnu lo keda sentral den mi vishon i bai konsentrá mas riba bouw subsidie.
  2. Konstrukshon di kasnan sosial di mas ku 1piso I hasi uso mas efektivo di tereno pa traha bibienda.
  3. Revisá I adaptá e beheersovereenkomst entre FKP I Gobièrnu.
  4. Introdusí sistemanan pa traha mas ku 100kas sosial pa aña

 

 

  1. Tereno di Toezicht en Handhaving

Ekipá e projectteam mas mihó ku hende i hèrmènt pa nan por hasi nan trabou mas mihó ainda, kaba fase 2 ku ta lanta e órgano nobo di toezicht en hanhaving ku mester bai remplasá e prejectteam. Promové un mihó relashon di trabou i koperashon entre ministerionan riba e tereno di toezicht en handhaving.

  1. Trabounan I logronan pa ku e sektor di Tráfiko i Transporte
  2. Seguridat di Tráfiko.
  3. Nos lo bai zet op un data di road safety. Asina lo tin un database integrá pa por traha maneho for di dje
  4. Pa ku voertuigen nos lo scherp aan e keuringseisen. Tin hopi vehíkulo riba kaya ku nos wegenverkeersverordening no ta akapará I lo mester bai mee ku tempu moderno
  5. Lo hinka un programa den otro pa drenta skolnan sekundario ku tareanan spesífiko ku alumnonan lo mester bini ku solushon pa fortifiká road safety for di nan punto di bista komo studiante, komo habitante di e pais aki I komo futuro trafikando den tráfiko.Asina seguridat di tráfiko ta kuminsá biba mas serka hóbennan.
  6. E verkeersauditteam lo bai kuminsá funshoná mas dinámiko
  7. Nos lo keda dediká e di tres siman di augustus komo siman di seguridat den tráfiko ku su propio tema, ku nos lo definí ainda
  8. E di dos fase di e teststraat na Keuringslokaal lo keda kla,

2.Transporte di persona

  1. Lo sigui ku e kursonan di sertifikado A i B, ku lo wòrdu amplia ku dos grupo mas
  2. Digitalisashon di e uitvoeringsorganisatie Tráfiko i Transporte ku lo bai tuma lugá lo nifiká ku for di trankilidat di bo propio kas, pueblo  lo tin e eskoho pa via online hasi petishon pa vergunning, petishon pa ontheffing, ets.

 

3.Kambio den transporte públiko: ABC

  1. ABC ta kumpli 80 aña 1 desèmber 2023, Nos ker logra e promé fase di inkorporashon di e busnan chikitu. Pa yega na un samenwerkingsvorm ku busnan chikí pa ku Transporte Públiko Asina ABC lo por ta e katalisado na Kòrsou di transporte públiko. E promé fase lo ta ruta di Barber ku mester ta operashonal 1 di desèmber 2023
  2. Konsientisaso pueblo di Kòrsou, di e importansia di un transporte públiko organisá pa desaroyo duradero sosial, edukashonal I ekonómiko di nos isla
  3. E proseso di digitalisashon lo sigui. Esaki lo kuminsá na e área sùit di Kòrsou , di Oostpunt pa Westpunt. Na destinashonnan indiká nos lo pone e orarionan ku bus ta kore riba e bòrchi di bus.
  4. ABC lo sigui sigui fortifiká I desaroyo e trahadónan di ABC pa perfekshoná e app di ABC pa wak e orarionan (ABC Curaçao optenibel riba IOS I Android Platform)
  5. 6 Ebus lo kuminsá kore riba 5 diferente ruta ku ta eksistente kaba aki na Kòrsou komo parti di e konsepto  going green

 

 

Servisio Meteorológiko

  1. Nos lo traha un plan stratégiko di adaptashon pa kambio di klima
  2. Mas entrenamentu pa empleadonan di Servisio Meteorológiko
  3. Nos lo upgrade e weerkamer di Servisio Meteorológiko pa brinda mihó servisio

Outoridat Marítimo

  1. Outoridat Marítimo ta prepará su mes mas mihó pa pasa dor di proseso di e IMSAS audit na mart 2023. Tambe lo implementá tur akshon nesesario pa mehora nos atministrashon marítimo.
  2. Reposishona e registro di barku komo unu kompetitivo riba merkado internashonal, basa riba e resultado di un businesscase
  3. Fortifiká Outoridat Marítimo tantu den área di personal komo den área di digitalisashon dor di entre otro rekluta personal ku ekspertisio marítimo I digitalisá prosesonan di operashon

 

Outoridat di Aviashon Sivil

  1. E programa di asistensia na Aviashon Sivil di Ministerio di Infrastruktura I Maneho di Awa di Hulanda mester wòrdu akordá I implementá
  2. Ta bai implementá tur e corrective actions plans di e auditoria di ICAO
  3. Lo bai introdusí un landsbesluit pa implementá passengers oversight charge.
  4. Esei ta nifiká ku tambe ta bai sigui ku e trayekto pa fortifiká e kantidat I kalidat di personal den Aviashon Sivil

 

 

  1. Cpost;
  2. Pa hasi maildelivery mas efisiente i ku ménos gastunan posibel ta bai sigui bini ku mas alokashon pa instalá e community mailboxnan.
  3. Mantené kuponan di trabou aktual. E hendenan mester sali for di e parti postal, ku nos ta Verde sèn kuné, pa drenta den e parti non-postal. Mester empuha i stimulá mas e parti non-postal por ehemple punto Mio, karga i aktividat internashonal dor di entre otro transportá volúmen grandi di un pais pa otro via di Kòrsou.

 

  1. TELEKOMUNIKASHON
  2. Mi lo pasa e Landsverordening Numberportability dor di Staten. E landsverordening aki ta garantisá ku un hende por bai ku su number di telefòn na kualke provider ku e ke, kambia di provider I keda ku sum es number
  3. Mi lo pasa dor di Staten tambe e E Landsverordening RAC kaminda ku BTP lo bira e Regulatory Authority pa Kòrsou
  4. E lei madre di tur kos relashoná pa ku telekomunikashon ku ta e Landsverordening Telecommunicatie tambe lo mi pasa dor di Staten pa nos por drenta e mundu digital nobo ku nos tin I pa BTP su tareanan ta modernisá ku e tarea di telekomunikashon. Paso awor ta menshoná Post I Telefonie so
  5. Mi lo sigui ku mi esfuersonan pa promové DataPlanet pa ta un Cyberhub pa den Karibe. Esaki ta posibel I importante paso nos ta below the hurricane belt I banda di Puerto Rico, nos ta e úniko pais den Karibe ku tin 4 tier den nos DataPlanet
  6. Mi lo sigui ku trayektonan den kuadro di Smart Nation Curaçao Platform pa implementá e vishon riba término largu I e plan stratégiko integral pa desaroyo di Kòrsou komo un Smart Nation ku ta maneho pais basa riba un kultura di data.

 

  1. CIBERNETICA
  2. Nos lo bira den 2023 miembro di Global Forum on Cyber Expertise
  3. Nos lo firma un MoU ku Global Forum on Cyber Expertise pa por haña asistensia tékniko I koperá huntu den proyektonan di fortifikashon I entrenamentu pa ku cyber
  4. Nos lo kaba I tin un strategia sibernetiko di Gobièrnu pa Pais
  5. Nos lo apuntá un outoridat cybernetiko pa Kòrsou ku lo ta nos CERT di Kòrsou I kuminsá traha ku sektor priva pa garantisá un Kòrsou resiliente sibernetikamente
  6. Nos lo atendé ku ku Hulanda pa nos CERT di Kòrsou por brinda su servisionan na Caribisch Nederland entrante 2023
  7. Nos lo organisá un evento di HackShield aki na Kòrsou, kaminda muchanan di skolnan básiko di un forma interaktivo I hungando weganan elektróniko lo siña bira agentenan di cyber. Asina nan por kuida nan mes I nan mayornan tambe pa posibel atakenan di hackmentu.

Sra Presidente awor mi ta pasa pa kontesta preguntanan hasi pa miembronan di Parlamento den e promé tanda di e reunion aki; 

 

HAD\HAD\TP\HD\SL\HD\TP

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: