Yu di Kòrsou detené ku droga na Santo Domingo

Agentenan di DNCD, Dirección Nacional de Control de Drogas, huntu ku personal di Ministerio Publiko, a enkontrá kasi un kilo di kokaina den kurpa di un hende muhé ku aparentemente tabata biaha rumbo pa Brussel riba un buelo komersial for di AILA, Aeropuerto Internacional de las Américas.

E hende muhé a keda identifiká pa Ministerio Publiko komo Jessica Corina Giterson (27) i a keda detené den e aria di salida pa agentenan i militarnan den e terminal. Giterson a deklará di ta na estado sin embargo el a konfesá na moembronan di Ministerio Publiko ku e tin sustansianan den su partinan transvaginal, transrectal i su stoma. Mesora a apliká e protokol konserní pa tipo di kasonan aki.

Giterson ku ta un Kurasoleño a keda trasladá pa Hospital de las Fuerzas Armadas kaminda un tim mediko a duna asistensia i durante varios dia el saka dos porshon grandi ku e tabata tin den su partinan intimo i 35 bolita for di den su stoma.

Di akuerdo ku analisis di e Instituto Nacional de Ciencias Forenses, e bolitanan tabata tin un peso total di 980 gram di kokaina. Giterson ta keda presentá na hustisia pa violashon di e Ley 50-88 tokante droga i sustansianan kontrolá.