KOMUNIKADO DI PRENSA 589/2022
25 desèmber 2022.

Resultado di akshon di “Blue Light”.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den kuadro di e akshonnan den luna di desèmber 2022, e tim di akshon a hasi kòntròl na
diferente sitio i/ò den barionan.
Dia 22 di desèmber 2022, durante di un kòntròl e tim a konfiská un kantidat di nuebe (9)
motersaikel pa motibu di diferente infrakshon.
Mester asentuá ku mayoria di motersaikelnan aki resientemente a bini for di Ulanda pa
partisipá na un show di ‘fever’ internashonal i nan no a regresá nan destinashon bèk.
Un súplika ta bai na tur ponedó di ‘fever’ pa realisá ku aparte di e peliger ku bo ta hinka bo
mes i tráfiko aden, esaki ta kontra di lei di tráfiko i bo ta kore e riesgo di pèrde bo vehíkulo
ku tantu bo a invertí den dje.
E tim aki ta kontinua ku e kòntròlnan.