Aksidente fatal ku 3 morto

 

 

Djaluna mainta, di dos dia di Pasku, alrededor di 6or, tabata tin un aksidente ku a tuma lugá na e krusada di e afrit di A15 ku Groene Kruisweg na Rotterdam-Zuid. Segun investigashon preliminar, dos vehikulo probablemente a dal frontal. Tres persona a pèrdè nan bida i un di kuater persona a resultá grave heridá i a keda transportá ku urgensia pa hospital. No ta konosí kon su situashon ta aktualmente.

Unidatnan di promé asistensia, entre nan un traumahelikopter i seis ambulans a sali ku urgensia pa Groene Kruisweg. Segun testigunan e personal di ambulans a trata di reanimá un di e okupantenan pero sin resultado.

Pas na alma di e defuntunan. Forsa na famianan