Dos detenshon den kaso di atrako.

KOMUNIKADO DI PRENSA 011 /2022
12 yanüari 2022
Dos detenshon den kaso di atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 10 di yanüari 2022 alrededor di 22.00 di anochi, Sentral di Polis a risibí un yamda
di un kaso di atrako ku ta tumando lugá riba algun turista den Nieuwestraat.
Mesora a dirigí un unidat na e sítio kaminda a lográ detené un hòmber sospeshoso S.S.O.E.,
di 16 aña di edat nase na Kòrsou, den área di William Lee straat.
Den e mesun área a haña i konfiská un arma di “airsoft” ku a usa pa tira e atrako.
Relashoná ku e kaso di atrako ku a tuma lugá dia 10 di yanüari 2022 na Nieuwestraat, Tim
di Atrako huntu ku Tim di Respons a hasi un detenshon mas.
Djárason 12 di yanüari 2022 alrededor di 05.23 di mainta, riba òrdu di fiskal di Ministerio
Públiko, a tene un entrada hudisial na un adrès na Den Haagstraat i a hasi detenshon di e
hòmber sospechoso Y.M.L., di 18 aña di edat nase na Kòrsou, relashoná ku e kaso ariba
menshoná.
Durante di e entrada hudisial na e kas a haña i a konfiská artíkulonan ku ta di importansia
pa e investigashon.
A presentá ámbos sospechoso dilanti di un fiskal ouksiliar ku a ordená nan enkarselamentu
pendiente di mas investigashon.