Ruman di Pempi Rosaria ta keda serio heridá

Tiroteo, ruman di Pempi Rosaria ta keda serio heridá 

Pasku marduga tabata tin un kaso di tiroteo kaminda ku e viktima (26) a keda lagá atras riba Melkmarkt den Antwerpen. Ta trata di ruman di Pempi ku a keda asesiná aña pasá na Vlissingen.

Alrededor di 6or di mainta, Sherel a keda bentá for di un vehikulo, serio heridá, riba Melkmarkt den serkania di e Grote Markt na Antwerpen. Mientras tantu el a keda operá den hospital i su bida no ta na peliger mas pero e no ta den kondishon pa duna un deklarashon ainda.

E vehikulo ku a laga e viktima atras tabata tin plachi number Hulandes. 

Agentenan a hasi detenshon di un persona (20) ku tambe tabata den e vehikulo pa interogashon. E sirkunstansianan i unda e tiroteo a tuma lugá ainda no ta konosí i polis ta investigando. Tantu polis Hulandes komo polis di Bélgika ta investigando e kaso aki.