Willemstad, 2 di yanüari, 2023 – Entrante 6 di yanüari pashèntnan no mester di e resèpt físiko mas pa buska remedi na botikanan lokal despues di konsulta ku spesialista di Curaçao Medical Center (CMC) òf un yamada pa yena un resèpt eksistente. Un konekshon digital entre CMC, dòkternan di kas i botikanan lo fasilitá e proseso aki. Esaki ta e kaso pa tur remedi ku eksepshon di ferbant i otro material médiko kual lo wòrdu digitalisá den e siguiente fase.

CMC ta kontentu di por habri aña ku e notisia aki i un stap den bon direkshon.