Minister Jesus- Leito a huramentá Botikario Venema

Minister Jesus- Leito a huramentá Botikario Venema

Willemstad – Resientemente Minister di Salú, Medio Ambiente i Naturalesa señora Zita Jesus- Leito MBA, a huramentá Botikario drs. Marisa Christine Venema.

Minister Jesus- Leito ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolario. Di e forma aki e Botikario ku a huramentá a kumpli ku eksigensianan di nos leinan vigente pa e por ehersé su profeshon. Despues di e akto ofisial Minister Jesus- Leito a felisitá señora Marisa Venema i a dese’é tur klase di éksito den su karera. Señora Venema ta bai laborá na Botika Stakamahachi.

Riba potrèt, Minister Zita Jesus- Leito i drs. Marisa Venema despues di e akto ofisial.