Selekshon Nashonal di softbol femenino den full preparashon pa kampionato di Ecacs

Selekshon nashonal di softbol femenino ta preparando seriamente pa e kompormiso hopi importante kwal ta e kopetensia di ECACS( English Caribean Amateur Softball Confederation) ku ta tuma luga di 1 te ku 5 maart na U.S.Virgin Island. Loke ta hasi e kopetensia importante ta ku e kampion di e torneo aki lo gana e derechi pa representa e region aki den CAC (Juegos Centro Americano i del Caribe) na El Salvador. Paisnan miembro di Confedarashon Ecacs ta,

Curacao, Aruba, Jamaica, U.S. Virgin Island, B.Virgin Island, Bahamas, Belize, Turks and Caicos i Caiman Island.

Selekshon nashonal di Korsou sigur ta bai pa titula kampion i asina klasifika pa e di 2 Juegos konsukutivo komo Pais Korsou. Nos tin un tremendo selekshon den kombinashon di hungadornan ku hopi eksperensia i tambe hungadornan mas hoben ku eksperensia kaba den selekshon i torneonan internashonal. E selekshon aki lo ta enkabesa pa Evan” Juni Balentien. Siman pasa praktikanan a kumisa den full swing ku training di kondishon, bateo i a sera e siman ku training mental na FDOK.

 

Federashon di softbol Korsou ta gradisido na MCB i tambe FDOK ku ta sosteniendo e projekto aki. Naturalmente Federashon di softbol Korsou ta habri pa si tin mas partner ku ke kontrubui finansieramente den e projekto aki.

 

Adhunto bosnan ta risibi algun potret di e mental training i pa otro siman nos lo manda e lista definitivo di e hungadornan ku lo bai defende nos bandera.

 

 

Edward Martis

Presidente

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: