Minister Pietersz- Janga a bishitá servisionan di su ministerio pa deseá empleadonan un bon aña

Minister Pietersz- Janga a bishitá servisionan di su ministerio pa deseá empleadonan un bon aña

Willemstad – Durante e siman ku a pasa Minister di Salubridat, Medio Ambiente i Naturalesa drs. Dorothy Pietersz- Janga, a hasi un rekorido i bishitá tur servisio di su ministerio pa personalmente deseá tur empleado un bon aña. Durante e bishitanan Minister a keda akompañá pa miembronan di su kabinete i Sekretario General suplente di GMN señora Jeanine Constansia- Kook.

Minister Pietersz- Janga a inisiá su rekorido na G&Gz pa despues sigui bai Inspekshon di Salubridat, AVB, Asuntunan Veterinario i Departamentu Salú Hubenil. Durante e bishita aki empleadonan a haña oportunidat tambe pa trese puntonan di atenshon ku mester traha riba dje pa nan por mehorá nan trabou i duna komunidat mihó servisio. Na kada servisio di GMN Minister Pietersz- Janga a keda risibí pa hefe di servisio den un esfera hopi ameno i minister a pasa un momentu plasentero ku e empleadonan.