Hulanda Karibense ta bai haña coach di kultura

Sekretario di Estado Uslu (Kultura i Media) a anunsiá esaki durante su bishita di trabou na Boneiru, Sint Eustatius i Saba. E coach di kultura ta stimulá partisipashon na kultura, konektá kultura ku otro sektor i duna sosten na esnan ku ta ofresé servisio den a área di kultura. Tambe nan por promové partisipashon lokal na herensia kultural. Kon nan ta yena e funshon eksaktamente ta dependé di e nesesidat spesífiko ku tin na kada isla.

Cultuurcoaches

Sekretario di Estado Uslu:

“Den ochenta porshento di munisipio hulandes tin un coach di kultura aktivo. Pues di mi parti ta tempu pa nos sòru pa na Hulanda Karibense tambe hasi uso di esaki. Durante mi biahe mi ta mira ku mi propio wowo e ambishon i potensial, pero tambe kua ta e opstákulo ku kisas tin riba kaminda ainda. Mi ta konvensí ku coach di kultura por hunga un ròl importante den e desaroyo di e bida kultural. I kisas e kos di mas importante: e islanan mes por disidí kon nan ta hasi uso di e coach di kultura. Nan sa mihó na unda e nesesidat di habitante i organisashonnan lokal ta sinta.”

E próksimo tres aña tin 300.000 euro pa aña disponibel. Ku esei tin 3 fte disponibel pa Boneiru, 2 fte pa Sint Eustatius i 1 fte pa Saba. Despues di dos aña e ministerio di OCW ta evaluá e esfuerso di e coach di kultura huntu ku Hulanda Karibense. E Landelijk Kenniscentrum Cultuureducatie en Amateurkunst (LKCA) ta ofresé interkambio di konosementu i posibilidat di netwerk pa e coachnan di kultura.

Share this page to Telegram

This site uses Akismet to reduce spam. Learn how your comment data is processed.

%d bloggers like this: