TRABOUNAN DI REPARASHON NA E KRUSADANAN ELEVÁ RIBA SATURNUSSTRAAT

Willemstad – Servisio pa Obra Públiko (OW) ta informá ku ta bai kuminsá ku trabounan di reparashon na e krusadanan elevá riba Saturnusstraat.

Trabounan ta inisiá riba djaluna 16 di yanüari 2023 i lo tin un durashon di 2 siman. E kontratista MNO Vervat ta esun enkargá pa ehersé e trabounan aki. Mirando ku e subida di e krusadanan elevá a sak, lo remplasá e ‘baksteen’ di e subida elevá pa beton.

Durante ehekushon di e trabounan, Saturnustraat ta sera pa tráfiko. Lo bai tin bòrchinan pa guia na rutanan alternativo. Habitantenan i komersiantenan lo por yega na nan kas òf establesementu.

OW ta pidi pa tur outomobilista su diskulpa pa e inkumbinensia ku esaki por trese kun’é. Den mes un rosea, ta gradisí adelantá pa e komprenshon.