Minister Shalten Hato NOTA AKLARATORIO

Mi a tuma nota di e karta públiká online dor di mi kolega Minister Silvania. E proposishon en kuestion pa mara pago di overtime na edat ya anteriormente a wòrdu rechasá dor di mi persona. Esaki mirando e echo ku mi ta kontra medidanan diskriminatorio.
Mi ta obviamente konsiente di e desafíonan presupuestario di pais Kòrsou i lo atendé ku esakinan debidamente di forma stratégiko i prágmatiko.
Ministerio di Hustisia lo sigui enkaminá e proseso i sinta ku tur grupo di interes manera por ehèmpel sindikatonan promé ku mi presentá un propuesta na Konseho di Minister.