DESPERFEKTO DI UN DI E APARATONAN DI ZONIDO A PONE KU FESTIVAL DI TUMBA A KUMINSÁ LAT AYERA

WILLEMSTAD — Promé dia di Festival di Tumba ta tras di lomba i Tumba Crew ta
sumamente satisfecho pa e manera ku e gruponan musikal a duna nan
presentashon ayera.
Lamentablemente e programa a kuminsá ku un retraso di kasi 45 minüt. Esei ta pa
motibu ku na último momentu a surgi un desperfekto di un di e aparatonan di
sonido mas importante. Téknikonan di Massive a traha hopi duru pa por a resolvé
e problema aki.
Ta bon pa menshoná ku pa awe nochi e programa ta kuminsá eksaktamente 8 or
ku presentashon di Grupo Ruta ku himno kanta pa e hóben Sukayla Gomes.
Pa medio di esaki Tumba Crew 2023 kier a ekspresá su diskulpa na tur esnan ku
tabata presente den Curaçao Festival Center, tur esnan ku a skucha na radio , tur
esnan ku a mira e evento via di PPV i Cariflix pa e tardansa ku a surgi.
Portanan ta habri 6:30 i nos ta deseá e públiko awe nochi un anochi plasentero pa
gosa i disfrutá di e komposishonnan nobo ku keda presentá riba tarima awe.
Despues di presentashon di mayan Djarason, e tumba Crew lo evaluá ku si lo bini
sierto kambionan infrastruktural.
Un danki na tur partnernan ku a sostené Festival di Tumba ui tambe medionan di
komunikashon ku ta hasiendo un tremendo trabou.
Tumba Crew

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: