7 di FEBRÜARI 2023 Charla: “EHERSISIO PA BAHA DI PESO” na Sentro di bario Souax

Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 7 di febrüari lo tin pa loke ta 2023 e promé charla di e siklo di charla ” SALÚ I KUIDO DI BO SALÚ”.
E siklo di charla tin komo meta pa duna informashon i di e forma aki konsientisá habitantenan di Souax i bisindario i tambe otro interesadonan riba diferente aspekto di salú i kon di un manera responsabel kuida nan salú. .

E diferente charlanan di e siklo di charla “Salú i kuido di salú” lo ta na enkargo di DR. OCTAVIO OLIVA, dòkter di famia pa bario di Souax.  E tópiko ku dr. Oliva lo trata e luna aki ta: “EHERSISIO PA BAHA DI PESO” . Entre otro lo e amplia riba importansia di hasi ehersisio pa baha peso i tambe e diferente tipo di ehersisio rekomendabel pa yuda baha peso. Entrada ta grátis i lo tin amplio oportunidat pa hasi pregunta.

Un i tur ta keda kòrdialmente invitá pa bin skucha informashonnan interesante riba e tópiko aki.