Willemstad 20 di yanüari 2023 –  Curaçao Medical Center ta anunsiá ku e MRI nobo a yega Kòrsou i ku lo kuminsá e proseso di instalashon inmediato. Ta planiá pa departamentu di Radiologia por kuminsá risibí pashèntnan ku sita pa MRI durante e promé siman di mart. Entre tantu pashèntnan ku mester di un sita pa MRI promé ku e fecha aki ta wòrdu referí na Advent Hòspital. Tur sita nobo lo wòrdu kordiná via di spesialistanan di CMC.

Un skèn di MRI (Magnetic Resonance Imaging) ta un tèst ku no ta kousa doló i ta produsí imágennan kla i detayá di órganonan i strukturanan den bo kurpa. Pa motibu ku e MRI no ta usa rayo X òf otro forma di radiashon, e ta un forma preferí pa pashèntnan ku mester saka imágen frekuente pa diagnóstiko òf pa mónitòr un tratamentu, prinsipalmente e sesu.