Gobièrnu di Kòrsou a tuma desishon PA PROPONÉ VENEZUELa un fecha pa habri frontera KU KÒRSOU

Willemstad – Gobièrnu di Kòrsou a tuma desishon pa proponé Venezuela un fecha pa habri frontera entre Venezuela i Kòrsou durante di e reunion di Konseho di Minister dia 8 di febrüari 2023.

 

Durante di e reunión di Konseho di Minister a tuma e desishon pa proponé Venezuela pa e reapertura di frontera pa ku e parti marítimo i esun aéreo tuma lugá djaluna dia 3 di aprel 2023.

 

Den e próksimo periodo lo finalisá huntu ku Venezuela e último detaye i kondishonnan pa por yega na e reapertura di frontera dia 3 di aprel 2023.

 

Gobièrnu di Kòrsou lo sigui informá komunidat riba e proseso aki i ta keda pendiente pa Venezuela bai di akuerdo ku e fecha ku Gobièrnu di Kòrsou a proponé.