PAGO PA KLUPNAN MIEMBRO DI FFK!

Pa medio di e komunikado aki Federashon Futbòl Kòrsou ke hasi un klarifikashon.

Den un entrevista na un radio lokal un representante di un organisashon ku ta miembro di FFK, a hasi algun deklarashon den kual el a indiká ku FFK no ke hasi pagonan di reseta na klupnan ku a partisipá den e kampionato 2021-2022.

FFK ke klarifiká ku e pagonan ku ta ser hasí aktualmente ta e supsidionan na klupnan ku ta bini di fondo di FIFA. E fondo aki riba instrukshon di FIFA no por ser usá pa pagonan di reseta. Pa ku reseta lo bai hasi e pagonan aki usando un otro kuenta pa asina por paga e klupnan loke ta toka na kada unu pa ku entradanan ku a ser risibí durante kampionato.

FFK ta spera di e klarifiká e parti aki debidamente.

Atentamente,

 

Federashon Futbòl Kòrsou