Representashon di Hulanda ( VNW – Vertegenwoordiging van Nederland in Willemstad) a hasi entrega di bala di futbòl na indokumentadonan.

Sentro di Detenshon i Korekshon Kòrsou

Representashon di Hulanda ( VNW – Vertegenwoordiging van Nederland in Willemstad) a hasi entrega di bala di futbòl na indokumentadonan.
Na luna di desèmber 2022, a tuma lugá un bishita di Sekretario di Estado sra. Alexandra van Huffelen i su delegashon na Vreemdeling Opvang en Detentie Centrum ( VODC).
Durante e bishita e Sekretario di Estado por a interkambiá i tende e nesesidatnan di indokumentado. Na e okashon akí e indokumentadonan a indiká ku nan tin nesesidat di bala di futbòl, pa momentu ku nan ta liber nan por hasi deporte.
Na e bishita aki Sekretario di Estado sra.Van Huffelen a hasi un petishon na representante di Hulanda pa por buska e balanan di futbòl.
Den kuadro di esaki, resientemente sra. Bo Melchers a bin hasi entrega di e balanan di futbòl na nòmber di representante di Hulanda aki na Willemstad.
Na e okashon akí miembronan di Gerensia di SDKK a tuma e materialnan i a entrega esaki na e indokumentadonan na VODC.