Pronóstiko di tempu pa Kòrsou i bisindario bálido te djadumingu mainta 6:00 o.l., 5 di mart 2023.

 

Pronóstiko

Pronóstiko di tempu pa Kòrsou i bisindario bálido te djadumingu mainta 6:00 o.l., 5 di mart 2023.
Kompilá: djasabra 4 di mart 2023, 05:00 o.l. (09:00 UTC).

Tempu: Por lo general parsialmente nublá i un kondishon seku ku bientu fuerte. Pa mayan nos por mira nubianan oumentá un tiki mas i lo kuminsá na trese posibilidat leve pa áwaseru.

Temperatura máksimo lo alkansá 30ºC i temperatura mínimo 25ºC.
Solo ta sali 06:50 i ta baha 18:45 o.l.

Bientu: For di ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga nan te fuerte; forsa 6 (40 te 50 km/ora, 22 te 27 nudo).

Situashon general: Ekstenshon di un preshon haltu riba Karibe oriental ta forma un ambiente seku, tambe bientu suplando moderá te fuerte awe i mayan. Sin embargo e probabilidat di áwaseru ta oumentá i brisa fuerte ta disminuí den kuminsamentu di siman nobo.

Kondishon di laman: Moderá te un poko brutu ku altura di olanan entre 1.5 i 2 meter (4 i 7 pia). E olanan mas haltu ta riba laman na nort i den pasashinan.

Fenómeno spesial: Ningun.

Perspektiva te djaluna mainta: Gradualmente mas nublá ku algu di chèns pa awa kai.

Meteorólogo: Coffie