Pronóstiko di tempu pa Kòrsou i bisindario bálido te djabièrnè mainta 06:00 o.l.,10 di mart 2023.

 

Pronóstiko

Pronóstiko di tempu pa Kòrsou i bisindario bálido te djabièrnè mainta 06:00 o.l.,10 di mart 2023.
Kompilá: djaweps 9 di mart 2023, 05:00 o.l. (09:00 UTC).

Tempu: Shelu lo sigui basta nublá ku chèns pa algun áwaseru, espesialmente durante di mañan.

Temperatura máksimo lo alkansá 28ºC i temperatura mínimo 25ºC.
Solo ta sali 06:47 i ta baha 18:46 o.l.

Bientu: Generalmente for di ost i moderá; forsa 3 te 4 (12 te 30 km/ora, 7 te 16 nudo). De bes en kuando posiblemente basta fuerte den ráfaga; forsa 5 (31 te 39 km/ora, 17 te 21 nudo).

Situashon general: Durante próksimo oranan mas nubia lo pasa riba nos region i algun di esakinan lo por okashoná algun áwaseru riba Kòrsou. Mas aleu, e fluho di bientu lo kontinuá generalmente moderá.

Kondishon di laman: Moderá ku altura di olanan entre 1 i 1.5 meter (3 i 5 pia). Aserkando fin di siman, ta antisipá ku laman serka di kosta Nort ta bira mas brutu a konsekuensia di resake.

Fenómeno spesial: Ningun.

Perspektiva te djasabra mainta: Parsialmente nublá i generalmente seku.

Meteorólogo: Correa.