KOMUNIKADO DI PRENSA 098/2023.
10 mart 2023.

Dos detenshon relashoná ku violashon di lei di opio.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 9 di mart 2023, alrededor di 23.45’or, durante di un kòntròl den área di Fuikstraat
polisnan di Punda a topa ku dos hòmber sospechoso den posishon di un kantidat di droga i
plaka kèsh.
A konfiská e droga i plaka kèsh i a detené sospechosonan.
Ta trata di:
 D.J.D., di 30 aña di edat i
 J.J.H., di 35 aña di edat tur dos nasé na Kòrsou.
A presentá ámbos sospechoso dilanti un fiskal ouksiliar ku despues di interogashon a
ordená nan enkarselamentu pendiente di mas investigashon.