KOMUNIKADO DI PRENSA 104/2023.
13 mart 2023.

Detenshon relashoná ku maltrato.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 12 di mart 2023 alrededor di 14.32’or di merdia, Sentral di Polis a dirigí un
unidat polisial na Kaya Modesto A. Chano Margaretha, pa un hòmber sospechoso ku a
maltrata su bisiña.
Na yegada di e unidat polisial a topa ku un hòmber víktima ku a deklará na polis ku despues
di un diskushon un ratu promé su bisiña lo a maltrat’é ku un machete.
E víktima a risibí fraktura na su man robes.
Alrededor di 14.45’or a detené e hòmber sospechoso L.C.G.R., nasé na Colombia di 55 aña
di edat, na warda di Polis Montaña i a atmití espontáneamente su kulpabilidat den e kaso
di maltrato ariba menshoná.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.