PROMÉ MINISTER SR. GILMAR PISAS A RISIBÍ REPRESENTANTE PERMANENTE DI REINO PA UNESCO

Willemstad – Promé Minister sr. Gilmar Pisas a risibí representante permanente di Reino pa UNESCO na Paris, Embahador sra. Monique van Daalen dia 10 di mart 2023.

 

Durante di e bishita di kortesia aki tabata presente sra. Marva Browne, Sekretario General di e Komishon Nashonal di UNESCO pa Kòrsou i Direktorado di Relashonnan Eksterior (DBB) di Kòrsou.

 

E kombersashon ku Embahador Van Daalen tabatin ku Promé Minister sr. Pisas tabata unu masha ameno i fruktífero, kaminda a toka diferente tema di interés. Entre e temanan ku a diskutí por menshoná e tareanan di UNESCO manera herensia kultural i edukashon.

 

Na final di e bishita Promé Minister sr. Pisas a gradisí Embahador Van Daalen pa su bishita i a hasi entrega di un buki na dje.