PROMÉ MINISTER SR. GILMAR PISAS A RISIBÍ REPRESENTANTE PERMANENTE DI REINO PA NASHONNAN UNI NA GENEBRA

 

 

Willemstad – Promé Minister sr. Gilmar Pisas a risibí representante permanente di Reino pa Nashonnan na Genebra, Embahador sr. Paul Bekkers riba 6 di mart 2023.

 

Durante di e bishita di kortesia aki tabata presente sra. Audrey  Goosen ku lo bira Hefe di Ekonomia i Representate Permanente Adjunto pa e Organisashon Mundial di Komersio, Direktorado di Relashonnan Eksterior (DBB) di Kòrsou i e Komishon Permanente di Komersio Internashonal i Relashon Ekonómiko Eksterior.

 

E kombersashon ku Embahador sr. Bekkers tabatin ku Promé Minister sr. Pisas tabata unu masha ameno i fruktífero, kaminda a toka diferente tema di interés. Entre e temanan ku a diskutí por menshoná ta estado chiki insular den desaroyo (SIDS), Nashonnan Uní, derechi humano i Organisashon Mundial di Komersio.

 

Na final di e bishita Promé Minister sr. Pisas a gradisí Embahador Bekkers pa su bishita i a hasi entrega di un buki na dje.