KOMUNIKADO DI PRENSA 107/2023.
14 mart 2023.

Detenshon relashoná ku intento di asesinato.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di tiramentu ku a tuma lugá djadumingu dia 12 di mart 2023,
(Komunikado 103/2023), na Punta Cardonweg, polis a hasi un detenshon.
Djamars alrededor di 07.40’or di mainta tim Aresto a hasi detenshon di e hòmber
sospechoso E.V.S.A., nasé na Kòrsou di 26 aña di edat.
E detenshon a tuma lugá na un establesimentu den Zeelandia.
Despues di e detenshon tim di Atrako a tene dos entrada hudisial na e adrèsnan
Kaya Labariano i Manhattanweg i a konfiská e vehíkulo di e sospechoso.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.