PREPARASHONNAN TA KONTINUÁ PA NOS SELEKSHON NASHONAL ENFRENTÁ CANADA DJASABRA 25 MART PRÓKSIMO! NOS HUNGADÓNAN TA KONOSÍ!
Tiki tiki pero sigur e dia ta yegando kaminda nos selekshon nashonal lo topa Canada aki na Kòrsou pa 9’or di anochi den Stadion Ergilio Hato. Nos ekipo ta preparando duru pa saka kara di nos dushi isla durante nos último partido di CONCACAF Nations League 22-23.
Despues ku nos entrenadó sr. Remko Bicentini i su staf tékniko a presentá e lista di 41 hungadó ku ta forma parti di nos pre-selekshon, awor nos ta publiká e 24 hungadónan ku lo representá Kòrsou durante nos partido kontra Canada di djasabra otro siman.
E siguiente hungadónan lo forma parti di e selekshon pa e partido kontra Canada;
- Godfried Roemeratoe
- Juninho Bacuna
- Leandro Bacuna
- Eloy Room
- Vurnon Anita
- Elson ‘Sontje’ Hooi
- Kevin Felida
- Kenji Gorré
- Sherel Floranus
- Brandley Kuwas
- Rangelo Janga
- Richairo Zivkovic
- Roshon van Eijma
- Giovanni Troupée
- Rhu-Endly ‘Cuco’ Martina
- Trevor Doornbusch
- Xander Severina
- Juriën Gaari
- Tyrick Bodak
- Justin Ogenia
- Nathangelo Markelo
- Darryl Lachman
- Jeremy Antonisse
- Shanon ‘Cheese’ Carmelia
Entrada pa e partido entre nos selekshon i Canada ta kosta fl.25,- general miéntras VIP ta kosta fl.175,- ku konsumo inkluí. Karchinan ta disponibel ‘online’ via Caribbeanticketshop; https://caribbeanticketshop.com/events/curacao-canada-25-03-2023 i entrante djabièrnè awor, nan lo ta optenibel na e puntonan di benta di kustumber.
Preparashonnan ta kontinuá den gran forma pa nos enkuentro kontra Canada aki na Kòrsou di djasabra 25 di mart próksimo den Stadion Ergilio Hato!
Buska bo karchi trempan pa bo bin apoyá nos selekshon nashonal i keda pendiente pa mas informashon!
14 mart 2023
You must log in to post a comment.