Komunikado di Prensa relashoná ku orario di servisio di departamentu Infectieziektebestrijding

Willemstad – Ministerio di Salubridat, Medio Ambiente i Naturalesa (GMN) ta anusiá e siguiente informashon di departamentu “Infectieziektebestrijding” (IZB) na Servisio di Salú Públiko di Kòrsou, “Uitvoeringsorganisatie Geneeskunde & Gezondheidszaken” (UO G&Gz, ántes GGD) ku ta situá na Piscaderweg 49, Zakitó.

 

Entrante djaluna, 20 di mart 2023, e orario ku e departamentu ta duna servisio na komunidat lo keda ampliá.

 

Por bishitá departamentu IZB:

• Djaluna te ku djaweps di 8:00 – 11:00 i di 14:00 – 15:30;
• Djabièrnè di 8:00 – 11:00.

 

Pa e siguiente servisionan:

– Informashon di malesanan infeksioso;

– Bakunashon kontra malesanan infeksioso (e.o. Hepatitis B, COVID-19);

– Informashon i bakunashon pa ora ta bai di biahe (e.o. Gele koorts).

 

Tambe nos kier informá ku e servisio di QR-code pa COVID-19 ku tabata tuma lugá na Vergunningenloket, Bentana di Informashon, a keda kanselá. E numbernan di telefòn 9345 i 433-3111 no ta den servisio mas.

 

Pa mas informashon por yama IZB riba number di telefòn: 432-2860, 514-2860 òf 515-2860 (WhatsApp tambe) di djaluna pa djabièrnè, durante orario di ofisina.

 

Pa mas informashon tokante di e komunikado akí òf malesanan infeksioso por tuma kontakto ku hefe di departamentu IZB, sra. Irálice Jansen riba number di telefòn +5999 523-1530.