PREPARASHONNAN TA KONTINUÁ PA NOS SELEKSHON NASHONAL  ENFRENTÁ CANADA DJASABRA 25 MART PRÓKSIMO!  KARCHINAN OPTENIBEL NA DIFERENTE PUNTO RÒNT KÒRSOU!

 

 

 

Preparashonnan pa e tremendo enkuentro entre nos selekshon nashonal i Canada ta kanando den ful swing! Pueblo di Kòrsou kompletu ta keda invitá pa presensiá e partidaso di djasabra 25 di mart próksimo, 9’or di anochi den Stadion Ergilio Hato!

 

Entrada pa e partido entre nos selekshon i Canada ta kosta fl.25,- general miéntras VIP ta kosta fl.175,- ku konsumo inkluí.

Karchinan ta optenibel ‘online’ via Caribbeanticketshop;  https://caribbeanticketshop.com/events/curacao-canada-25-03-2023 i tambe na siguiente puntonan di benta;

 

• Ofisina di FFK
• Changes Pro Sports
• Pòmp di gasolin Sta Maria
• Botika Mampuritu
• 4th of July snèk
• Sentronan di pago Tu y Yo
• Van den Tweel Supermarket
• Mensing’s Caminada

 

Pa e partido aki lo tin un ‘fan zone’ di mitar di 7 pa mitar di 9 di anochi pafó di stadion pa un i tur por disfrutá promé ku e wega. E ‘fan zone’ aki ta un área kaminda fanátikonan por partisipá na diferente wega pa gana premionan atraktivo serka nos spònsernan Tui, Uralco i Blue Bay pero tambe por kumpra bo suèter di nos selekshon nashonal òf merkansia di YDK. Por disfrutá di músika di Dj Jaystax i dal un serbes òf un refresko serka nos spònsernan, Distribier i Coca-Cola.

Un ambiente tur afó komo antesala di e tremendo partido di nos selekshon nashonal i Canada!

 

E ora 0 ta yegando pa bo mira nos selekshon nashonal den akshon kontra Canada aki na Kòrsou djasabra 25 di mart próksimo den Stadion Ergilio Hato!

 

Ainda bo no tin bo karchi???

 

17 mart 2023