KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

EWT TA SIGUI KRESE ATRAVES DI NAN PÈRMIT DI KONSTRUKSHON

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

PUBLIKÁ RIBA 23 MART 2023

Willemstad – Minister Charles Cooper huntu ku Servisio pa Planifikashon Urbano (ROP) a hasi entrega di un pèrmit di konstrukshon na e kompania EWT riba djaweps 23 di mart.

 

E pèrmit aki ta pa ekspanshon i rekonstrukshon di nan pa depósito i ofisina den e bario di Amerikanenkamp.

 

EWT ta invertiendo un mínimo di 8 mion florin den diferente fase. E promé fase a tuma lugá kaba den 2022 kual a enserá konstrukshon di un depósito, i un frizer nobo. Awor EWT ta kuminsá ku fase dos di e rekonstrukshon i konstrukshon di un ofisina.

 

Minister Cooper ta kontentu di mira kon kompanianan lokal manera EWT ta sigui invertí den ekonomia di e pais aki, kreando kuponan di trabou pa Kòrsou, i ta deseá nan éksito ku e proyekto.

    

639114718427035"
639114718427035"