Pronóstiko di tempu pa Kòrsou i bisindario bálido te djaweps mainta 06:00 o.l., 30 di mart 2023.

 

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 30 di mart 2023.
Kompilá: djárason 29 di mart 2023, 05:00 o.l. (09:00 UTC).

Tempu: Shelu lo varia entre momentunan tiki nublá i momentunan ku mas nubia lo krusa nos área i oumentá chèns pa algu di áwaseru kai riba e teritorio lokal.

Temperatura máksimo lo alkansá 30ºC i temperatura mínimo 25ºC.
Solo ta sali 06:34 i ta baha 18:47 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general: Un área amplio di preshon haltu riba Atlántiko nort lo mantené un fluho di bientu for di ost i basta fuerte den nos region, di manera ku nos laman ta kontinuá lokalmente basta brutu durante e próksimo dianan. Áreanan di mas nubosidat den e fluho di bientu lo krusa nos isla na sierto momentunan di dia i oumentá e posibilidat pa algu di áwaseru kai riba partinan limitá di Kòrsou.

Kondishon di laman: Moderá te poko brutu, ku altura di olanan entre 1 i 2 meter (3 i 6 pia). E olanan di mas haltu lo kontinuá di ta generalmente riba laman habrí.

Fenómeno spesial: Ningun.

Perspektiva te djabièrnè mainta: Parsialmente nublá i generalmente seku.

Meteorólogo: Correa.