KOMUNIKADO DI PRENSA 141/2023.
29 mart 2023.

Kòntròl di tráfiko, konfiskashon di droga i un detenshon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 28 di mart 2023 entre 15.45’or pa 17.15’or, personal di polis stationá na Hato
konhuntamente ku e partnernan Douane i departamentu di Inmigration a tene un kòntròl general
relashoná ku violashon di lei di arma di kandela, lei di droga i lei di Atmishon i Ekspulshon. E kòntròl
aki a tuma lugá den área di Aeropuerto.
A kontrolá un total di 14 vehíkulo.
Un vehíkulo a keda transportá bou di kondishon ku kran.
Polis a haña i konfiská un kantidat limitá di droga.
A hasi detenshon di un sospechoso ku no por a identifiká su mes ku despues a resultá di ta e
hòmber E.C., nasé na Kòrsou di 35 aña di edat.
A presentá e sospechoso dilanti un fiskal ouksiliar ku despues di interogashon por a rekobrá su
libertad.
E kòntròlnan aki ta kontinuá.