KOMUNIKADO DI PRENSA 149/2023.
1 aprel 2023.

Detenshon i konfiskashon relashoná ku ladronisia di skuter.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 31 di mart 2023 alrededor di 18.18’or di atardi, Sentral di polis a risibí un
informashon di un suidadano ku na altura di un Minimarket den área di Tera Cora tin un
skuter ku ta prosedente di ladronisia for di un kompania.
Mesora a dirigí un unidat na e sitio.
For di e investigashon preliminar ku polis a hasi na e sitio a resultá ku e skuter ta
prosedente di ladronisia ku a tuma lugá algun dia pasa.
Na e sitio a hasi konfiskashon di e skuter i detenshon di e hòmber sospechoso J.V.A., nasé
na Kòrsou di 25 aña di edat, pa e kaso di ladronisia ariba menshoná.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.