KOMUNIKADO DI PRENSA 155/2023.
3 aprel 2023.

Aksidente di tráfiko ku herido.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu, 2 di aprel 2023 alrededor di 12.58’or di mèrdia, Sentral di Polis a risibí
informashon di un aksidente grave ku a tuma luga riba Helmin Magno Wiels Boulevard
altura di “rotònde Jotin kortá”. Na yegada di e promé unidat, el a bin topa ku un
motorsaikel ku a aksidentá kontra di un bùs.
For di investigashon a sali na kla ku shofùr di e bùs tabata kore riba su man robes i
diripiente a pasa riba su man drechi. A konsekuensia di esaki, e motorsaikel no por a evitá e
choke i a bai dal parti patras di e bùs.
E víktima a risibí leshon na diferente parti di su kurpa.
Ku ambulans di FKA a transportá e víktima den un situashon di atenshon pa sala di
emergensia di C.M.C.
Departamentu di tráfiko ta kontinuá ku e investigashon den e kaso.