KOMUNIKADO DI PRENSA 152/2023.
2 aprel 2023.

Aksidente ku morto.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu, 2 di aprel 2023 alrededor di 17.44 or di atardi Sentral di polis a risibí
informashon di un aksidente ku lo mester a tuma lugá na Pista na Ronde Klip kaminda
tabatin un evento tumando lugá.
Durante dje aksidente aki un persona a resultá gravemente heridá.
Mesora Sentral di Polis a dirigí un unidat na e sitio.
For di un investigashon preliminar a sali na kla ku e víktima a keda transportá pa CMC den
un situashon di preokupashon.
Pa 19.47 Sentral di polis a risibí informashon ku e víktima dje aksidente a fayesé.
Departamento di Tráfiko i Tim Forénsiko di Kuerpo Polisial Kòrsou ta sigi ku e investigashon
den e kaso ariba menshoná.
E aksidente aki no ta ser konsiderá un aksidente di tráfiko debí ku e no a tuma lugá riba
kaminda públiko.